Vattinni, annazzu tintu e trarituri,
tu ca firisti ‘u me’ cori a mmorti,
spirisci ‘nta lu funnu di lu mari
e lassimi chiànciri ‘a me’ sorti.

Iò sugnu mamma e comu mamma chianciu!
L’amuri ca iò portu ‘nta lu cori,
cu’ nnudda gioia di ‘stu munnu a canciu!

Abbrazza ‘a to’ mammuzza, amuri miu,
strinciti a lu caluri du me’ pettu,
appoja la to’ testa e nun trimari
e dormi ‘nta la paci d’u Signuri…

E iò ri ccà, di la to’ terra cara,
ti mannu lu profumu di li ciuri
e ccà, luntanu, chianciu ‘u me’ duluri!