Ti vogghiu cuntari ‘n’esperienza
‘ncuminciata tantu tempu arreri:
aveva ricivutu l’incumbenza
mi fazzu a ‘n’atru postu lu misteri;
ogni ddu’ jorna, sempri ‘a stissa ura
pi’ ‘un veniri menu a la parola
ittava ‘u sururi intr’a ddi mura
niscennu sempri stancu di dda scola.

Duranti lu travagghiu ‘na matina
intr’all’ufficiu, ‘nmenzu a cchidda paci,
passava ‘na picciotta sbarazzina
ricennu ca circava ‘a dirittrici…
intantu iò pinzai dintra di mia:
mi piaci e tu diventi me’ mugghieri,
a ttia nun ti lassu cchiù scappari.